Draumar

Höfundur lags: Guðmundur Ingi Þorvaldsson
Höfundur texta: Ólöf Jara Skagfjörð
Útsetning: Guðmundur Ingi Þorvaldsson & Þórður Gunnar Þorvaldsson

Draumar sveima í gegnum huga minn;
fuglar sem þrá að fljúga um himininn.
Alsælan býr mér til draumaheim,
þeytir mér langt út í himingeim.

Kastalar, riddarar
og prinsessa er hallarfangi ófreskjunnar.
Þetta er heimurinn minn. Þetta er tilgangurinn.

Dagarnir endalaust myrkur
sem byrgir mönnum sýn.
Næturnar breytast í daga
þar sem myrkrasólin skín.
Ég hvorki vil vaka né sofa
ég veit ei hvað bíður mín
handan við heiðina háu
vindurinn hvín.

Óttinn smýgur inn í huga minn
Vængbrotnir fuglar fljúga um himininn.

Í kjólinn fór
drekablóð
sem dökkblátt varð að lit
er það rann út í sjó.
Hvar er heimurinn minn? Hver er tilgangurinn?

Dagarnir endalaust myrkur
sem byrgir mönnum sýn.
Næturnar breytast í daga
þar sem myrkrasólin skín.
Ég hvorki vil vaka né sofa
ég veit ei hvað bíður mín
handan við heiðina háu
vindurinn hvín.

Og myndin sem í huga var svo skær
með hverjum degi færist fjær og fjær.

Handan við heiðina háu
vindurinn hvín.

 

FYLGSTU MEÐ OKKUR Á:

309x229_hvad-ef_bolir_nanar1

Lögin í sýningunni


PopUp MP3 Player (New Window)

Hvað segja sýningargestir?

Góðan dag, ég hef því miður ekki séð sýninguna hjá ykkur. Mér finnst þetta frábær leið til að ná til krakkanna og skilur alveg örugglega eftir sig ýmislegt, sem þau taka síðan heim með sér. Eruð þið nokkuð á leið norður með þessa sýningu? Eða í einhver nágrannasveitafélögin við Akureyri? Ef svo er, þá myndi ég vilja á einhvern hátt að unglingarnir hér í mínum bæ hefðu tækifæri til að sjá þetta. Eins og þið segið, þá er komin ný kynslóð síðan þið sýnduð þetta 2007, og ekki veitir af að sýna þeim fram á slæmar afleiðingar af t.d. kannabis neyslu. Mörgum unglingum finnst allt í lagi að reykja kannabis og gera sér ekki grein fyrir skaðseminni. Takk fyrir !

Lilja

Styrktaraðilar

<